ՀԱՂՈՐԴԱԳՐՈՒԹԻՒՆ  10-17-2014

  
Հայոց Ցեղասպանութեան Ոգեկոչման Լոս Անճելըսի Միացեալ Մարմինի յատուկ հրաւէրով, յառաջիկայ շաբաթներուն, Լոս Անճելըս պիտի ժամանէ, իրաւաբան, գրող եւ մարդու իրաւունքներու պաշտպան՝ Ֆաթհիյէ Չեթին:

Ֆաթհիյէ Չեթին եղած է թիւ Թուրքիոյ Սահմանադրութեան 301 յօդուածով մեղադրուուած, Հրանդ Տինքի դատական պաշտպանը եւ շարունակած մինչեւ անոր անարգ սպաննութիւնը: Չեթին, մինչ օրս, կը շարունակէ ներկայացնել Հրանդ Տինքի ընտանիքի բոլոր շահերը: Ան, «Մեծ Մայրս» գիրքին հեղինակն է, որու մէջ կը նկարագրէ թէ երբ եւ ինչպէս բացայայտուած է իր մահացող մեծ մօր հայկական արմատները, իսկ՝ «Թոռները» գիրքին մէջ, որու համահեղինակն է նոյնինքն Չեթին, կը պատմէ 1915-1923 թուականներուն, թոռներու շուրթերով գրի առնուած, հայոց ցեղասպանութիւնը ապրած եւ բռնի ուժով ինքնութիւնը կորսնցուցած հայերու յիշողութիւնները:

Սոյն հաղորդագրութեամբ կը փութանք Լոս Անճելըսի եւ անոր շրջակայքը գտնուող համայն հայութեան տեղեկացնելու, թէ՝ Հայոց Ցեղասպանութեան Լոս Անճելըսի Միացեալ Մարմինը կազմակերպած է`
   
Հրապարակային դասախօսութիւն, տեղի պիտի ունենայ երեքշաբթի, նոյեմբեր 18, 2014ին, երեկոյեան ժամը 7:30ին, Ազգային Ֆերահեան Վարժարանի «Աւետիսեան» սրահին մէջ՝ 
5300 White Oak Ave., Encino, Ca, 91316: Լոս Անճելըսի հայ համայնքը սիրով հրաւիրուած է լսելու Ֆաթհիյէ Չաթինի սոյն հրապարակային դասախօսութիւնը:

Ուսանողական Հաւաք, տեղի պիտի ունենայ Հինգշաբթի, Նոյեմբեր 20, 2014ին, երեկոյեան ժամը 7:30ին, Քալիֆորնիոյ Նորթրիտճ Համալսարանի «Օվիէթ» գրադարանին ներքեւի մէջ՝ CSUN, Oviatt Library
18111 Nordhoff Street, Northridge, CA 91330  CSUN, Oviatt Library, 18111 Nordhoff Street, Northridge, CA 91330:

Միացեալ Մարմինս նաեւ կազմակերպած է ընթրիք երեկոյ մը, ի պատիւ՝ Ֆաթհիյէ Չեթինի, ուր հոն եւս խօսք պիտի առնէ Չեթին: Երեկոն, տեղի պիտի ունենայ Շաբաթ, Նոյեմբեր 15, 2014ին, երեկոյեան ժամը 8:00էն սկսեալ, Պոլսահայ Միութեան «Հրանդ Տինք» սրահին մէջ՝ 19726 Sherman Way Winnetka, CA 91306 19726 Sherman Way Winnetka, CA 91306: Տոմսակներու համար, կը խնդրուի հեռաձայնել Ռազմիկ Յովհաննէսեանին՝ (818) 631-9110 թիւին: Տոմսակներու գին՝ $80:

 Հայոց Ցեղասպանութեան Ոգեկոչման Միացեալ Մարմին
 Լոս Անճելըս

---